Die Familie Brindlinger
Am 9.9.1998 ham mia Klaus und Karin Brindlinger die heitige Metzgerei Brindlinger in Rum bei Innsbruck vom Vorgänger Franz Lamparter übernommen. Karin isch im Verkauf tätig und Klaus schlachtet selba Schwein, Rind, Kalb und Lamm.
Seit 2016 isch a inser Sohn Christoph in da Metzgerei am tuan. Scho als kloaner Bua hat er im Papa beim Wurstn ghofln. Er hot die Lehr in Angaht bei da Metzgerei Wimpissinger ohgschlossen und so sein Traumberuf verwirklicht.
Seit September 2020 isch a insere Tochter Magdalena im Betrieb mit dabei. Sie isch im Gschäft tätig und fia Social Media zuständig! Sie hat zerscht ihren Traumberuf als Floristin glernt und isch dann in die Metzgerei eingstiegn.
Christoph und Magdalena habn nia Angst voa die Tiere ghobt und sein allaweil liebevoll mit ianen umgangen. Weil boade imma beim Schlachtn dabei gwesen sein und gwisst ham, dass in da Metzgerei dahoam schonend gschlachtet weat.
Scho als Kind ham boade ihre eigenes Gwand zum „Arbeiten“ ghabt. Wia Gummistiefl in blau und pink und die dazu passenden Schürzn.
Familienbetrieb seit 1998
Inser Familienbetrieb stellt seit 1998 alle Wurscht- und Schinkenwarn in eigener Produktion hea.
Die Metzgerei Brindlinger in Rum biatet enk frische Spanferkl, Ripperlen, Beinschinken und no viel mea. Inser verarbeitetes Fleisch kimmt ausschließlich aus da Tiroler Region mit oana Ausnahm. Des Schweinefleisch kimt aus Arzl bei Innsbruck.
